Окытыўшылыр арасында дәстүрге айланған «Жылдың ең жақсы пән оқытыўшысы-2019» республика таңлаўына старт берилди.



Окытыўшылыр арасында дәстүрге айланған «Жылдың ең жақсы пән оқытыўшысы-2019» республика таңлаўына старт берилди. 
Таңлаў үш басқышда район, Қарақалпақстан Республикасы ҳәм Республика көлеминде болып өтеди.
Таңлаўда қатнасыў ушын анық талаплар белгиленген. Усы таңлаўда улыўма орта билим бериў мектеплеринде сабақ берип атырған  жоқары мағлыўматлы, кеминде 3 (үш) жыл педагогикалық стажға, екинши ҳәм оннан жоқары дәреже категориясына ийе болған оқытыўшылар қатнасыўы мүмкин. Ҳәр бир оқытыўшы тек бир пәннен қатнасыў ҳуқықына ийе. Усы жылы таңлаўға өзгерислер киритилди. Яғный қатнасыўшылар усы жылдың 18-марттан, 5-апрельге шекем онлайн тәризде дизимнен өтиўи керек.
Таңлаўда қатнасыўшы оқытыўшылар http://bit.ly/teacher-of-year байланысы арқалы дизимнен өтиўи керек.Катнасыўшылар ҳүжжетлери саны 10 нан 5ке, таңлаў шәртлери 5тен 3ке қысқартылды.
Танлаўдың республика басқышында  1-, 2-, 3- орынды ийелеген жеңимпазлар сәйкес түрде  ең кем ис ҳақының  15, 12, 8 есеси муғдарында бир мәртелик нақ пул менен сыйлықланады.Сондай-ақ таңлаўда қатнасыўды қәлеген оқытыўшы Facebook социал тармағында жеке бети (аккаунти)на ийе болыўы лазым.Қатнасыўшының  Facebook аккаунти хәмме ушын ашық  болыўы ҳәм ислегенин өз аккаунты арқалы #yiloqituvchisi2019 ҳәм #йилўқитувчиси2019 хэштеглеринен пайдаланған ҳалда турақлы түрде жарытылып барыў талап етиледи. 
Усы жылда республика басқышында қатнасып атырған оқытыўшыларға кең жәмийетшиликтиң де даўыс бериўине имканият жаратылады. Даўыс бериў барысы Халық билимлендириў министрлигиниң Facebookдағы (http://www.facebook.com/uzedu) расмий сайтында шөлкемлестириледи. Даўыс бериў нәтийжесине көре оқытыўшылар белгили бир балларға ийе болады.
Ҳүрметли районымыз ХББи педагоглары! Таңлаўда қатнасың ҳәм ең жақсы оқытыўшы екенлигиңизди билимиңиз ҳәм шеберлигиңиз арқалы көрсетиң.


23-03-2019, 14:58, Jańalıqlar, 6,
Basqada jańalıqlar

QANLIKÓL RAYONÍ XALÍQ BILIMLENDIRIW BÓLIMI

Veb-sayt jaratıwshısı: ГУП «Центр компьютеризации Каракалпакстана»
Sayt materiallarınan tolıq yaki jarım-jartılay paydalanılǵanda veb-sayt mánzili kórsetiliwi shárt!