Ǵárezsizlik sabaqlari

Улыўма орта билим бериў мектеплеринде «Азиз ҳәм жалғызымсаң, жанажан Өзбекстан!» деген идея тийкарында усы жылдың 5-сентябрь күни «Ғәрезсизлик сабақлары»н өткериў бойынша

ҮЛГИ СЦЕНАРИЙСИ


«Ғәрезсизлик сабағы» бәрше улыўма билим бериў мектеплеринде мектеп директоры, мектеп директорының руўхый-ағартыўшылық ислери бойынша орынбасары, тарийх, ана тили ҳәм әдебияты пәнлери оқытыўшылары ҳәмде класс басшылары тәрепинен 2018-жылдың 5-сентябрь күни саат 8:30 да шөлкемлестириледи.

Усы сабақты шөлкемлестириўде Өзбекстан Республикасы Халық билимлендириў министрлиги қәнигелери тәрепинен Power Point дәстүринде таярланған презентациядан пайдаланылады.

Дәслеп, Өзбекстан Республикасы Президенти Шавкат Мирзиёевтың 2018-жыл 28-июндағы «Өзбекстан Республикасы мәмлекет ғәрезсизлигиниң жигирма жети жыллық байрамына таярлық көриў ҳәм өткериў ҳаққында»ғы қарарына муўапық, усы жылда «Азиз ҳәм жалғызымсаң, жанажан Өзбекстан!» ураны астында ғәрезсизлигимиздиң жигирма жети жыллығы нышанланыўы мәлим етиледи (2-слайд).

Кейнинен, оқыўшылардың итибары мәмлекетимиз тәрепинен өз мәмлекет ғәрезсизлигин қолға киргизиў барысына қаратылады. Әсиресе, 1990-жыл 20-июньде «Ғәрезсизлик Декларациясы» ҳәм 1991-жыл 31-августда «Өзбекстан Республикасының Мәмлекетлик ғәрезсизлиги тийкарлары ҳаққында»ғы Нызамның қабыл етилиўи ҳәмде суверен демократиялық республика сыпатында ғәрезсиз ишки ҳам сыртқы сиясатын жүргизе баслағанлығы, мәмлекет нышанлары ҳаққында қысқа мағлыўмат бериледи. Сондай-ақ, Өзбекстан Республикасы Биринши Президенти Ислам Каримовтың роли ҳаққында тоқталып өтиледи. (3-слайд).

Соннан кейин, Өзбекстан Республикасы Президенти Шавкат Мирзиёевтың искерлиги                    (4-слайд) ҳәм 2018-жылда сүўретке алынған «Мырза Президент» фильминен даўамлығы 5 минут 40 секунд болған видеокөринис көрсетиледи (5-слайд).

Кейинги орында, оқыўшылар итибарына 2017-2018-жылларда мәмлекетимиз экономикасында кескин бурылыс болған төмендеги жетискенликлер ҳаққында мағлыўмат бериледи:

- экономикада санааттың үлеси 34% ин, экспорт қурамында таяр товарлар үлеси 70% тен артығын пайда еткенлиги;

- 2030-жылға шекем жалпы ишки өним көлемин еки еседен зыят көбейтиў, экономикамыз қурамында санааттың үлесин 40%ке жеткериў бойынша анық илажлар белгилеп алынғанлығы;

- Өзбекстан Республикасы Президенти Ш.Мирзиёев тәрепинен 2017-жыл 2-сентябрде имзаланған «Валюта сиясатын либералластырыў бойынша биринши нәўбеттеги ис-иләжлар ҳаққында»ғы пәрманы менен миллий валютамыздың еркин конвертациясы енгизилиўи;

2017-жыл даўамында мәмлекет экономикасына 2,4 млрд АҚШ долл. көлеминде шет ел инвестиция киргизилгенлиги (6-слайд);

- Аймақларды жәмийетлик-экономикалық раўажландырыў дәстүрлери бойынша 13 339 жойбар әмелге асырылғанлығы, 2,1 трлн. сўм кредит өзлестирилгенлиги, 10 еркин экономикалық зона, 5 киши санаат зонасы дүзилгенлиги; 

“Peugeot” ҳәм “Citroёn” бренди менен жеңил саўда автомобиллерин ислеп шығарыў бойынша завод қурылып атырылғанлығы;

- Россияның «Лукойл» компаниясы менен биргеликте улыўма муғдары 3 млрд АҚШ долл. болған Қандим газды қайта ислеў заводы иске түсирилгенлиги;

- тек ғана 2018-жылдың биринши ярымында 2,7 мың км. автомобиль жоллары қурылды ҳәм ремонтланды, 84 300 жумыс орны жаратылғанлығы;

- Өзбекстан Республикасы Президентиниң қарарына муўапық 2018-жыл 15-июлдан баслап Өзбекстан Республикасына 51 мәмлекет пуқараларына әпиўайыластырылған тәртипте, 101 мәмлекет пуқараларына визасыз транзит кириў тәртиби енгизилгенлиги;

- 2018-жылда «Абат аўыл» ҳәм «Абат мәҳәлле» дәстүрлерин әмелге әсырыў дәўиринде республикамыз 159 райондағы 386 аўылда қурылыс-абаданластырыў ислери алып барылып атырғанлығы (7-слайд) ҳәм санап өтилген усы жағдайлардың әҳмийети ҳаққында мағлыўмат бериледи.

Жасларды қоллап-қуўатлаўға қаратылған мәмлекет сиясаты темасында оқыўшыларға:

- 2017-2018-жылларда жаслар турмысына тикеллей байланыслы болған 20 дан артық нызам, пәрман ҳәм қарарлар қабыл етилгенлиги;

- жанажан Ўатанымыздың жаңа келбетин жаратыўда өз мийнети, исбилерменлиги ҳәм мәнаўий пазыйлетлери менен басқаларға өрнек ҳәм үлги болып атырған жигерли жасларымыз ушын «Мард ўғлон» мәмлекетлик сыйлығы ҳәмде «Келажак бунёдкори» медалы енгизилгенлиги;

- 4 мың 300 ге жақын жигит-қызларымызға банклер тәрепинен 216 миллиард сўм имтиязлы кредитлер берилгени, 184 мың 300 ден зыят перзентлеримиз жумыс пенен тәмийинленгенлиги;

- өткен бир жыл даўамында ул-қызларымыздан 266 сы республика, 80 ни халықара пән олимпиадалары жеңимпазлары болғаны, спортшыларымыздан 12 си жәҳән, 93 ши Азия чемпионатларында, 150 ден артығы халықара жарысларда жоқары шоққыларға көтерилгенлиги айтып өтиледи (8-слайд).

Ел ардақлаған жазыўшылардың атлары өмирбақый темасы әтирапында оқыўшыларға:

- Өзбекстан Республикасы Президенти Ш.Мирзиёевтың инициативасы менен 2017-жыл 23-июнда Министрлер Кабинетиниң «Жиззах қаласында Ҳамид Олимжон ҳәм Зулфия атындағы ана тили ҳәм әдебияты пәнин тереңлестирип оқытыўға қанийгелестирилген мектеп-интернатын дүзиў ҳаққында»ғы қарары қабыл етилгенлиги;

- 2017-жыл 24-майда Министрлер Кабинетиниң «Карши қаласында Абдулла Орипов атындағы ана тили ҳәм әдебияты пәнин тереңлестирип оқытыўға қәнийгелестирилген мектеп-интернатын дүзиў ҳаққында»ғы қарары қабыл етилгенлиги;

2017-жыл 25-июнда Министрлер Кабинетиниң «Андижан қаласында Муҳаммад Юсуф атындағы ана тили ҳәм әдебияты пәнин тереңлестирип оқытыўға қәнийгелестирилген мектеп-интернатын дүзиў ҳаққында»ғы қарары қабыл етилгенлиги;           

2017-жыл 14-сентябрде Өзбекстан Республикасы Президентиниң Ташкент қаласында «Мырза Улуғбек атындағы қәнийгелестирилген мәмлекетлик улыўма тәлим мектеп-интернатын ҳәм «Астрономия ҳәм аэроновтика» бағын дүзиў ҳаққында»ғы Қарары имзаланғанлығы ҳәм усы қарарлардың әҳмийети ашып бериледы. (9-слайд)

«Халық тәлими системасында алып барылып атырған реформалар» темасындағы тийкарда оқыўшыларға:

- дүзимде 11 жыллық билимге қайтылғанлығының әҳмийети (10-слайд);

- ғәрезсизликтен кейинги Қарақалпақстан Республикасы көлеминде билимлендириў, мәденият тараўларында әмелге асырылған жумыслар барысы (10-, 17-, 18-слайдлар);

- 2018-жыл 14-августта қабыл етилген «Жасларды руўхый-ағартыўшылық ҳәм физикалық жетик инсан етип тәрбиялаў, оларға тәлим-тәрбия бериў ситемасын сыпаты жағынан жаңа басқышқа көтериў ис-илажлары ҳаққында»ғы ПҚ-3907-санлы Қарарының мазмуны  (11-слайд);

- 2018-жыл 9-августдағы «Өзбекстан Республикасында шахматты раўажландырыў бойынша қосымша ис-илажлары ҳаққында»ғы ПҚ-3906-санлы Қарарының әҳмийети (12-слайд);   

- Өзбекстан Республикасы Министирлер Кабинетиниң 2018-жыл 15-августдағы «Мәмлекетлик улыўма орта билим бериў мәкемелериниң оқыўшыларының заманагөй бирден-бир мектеп формасы менен тәмийинлеў илажлары ҳаққында”ғы 666-санлы қарары ҳаққында мағлыўмат бериледи (13-слайд).

«Өзбекстан Республикасы мәмлекетлик ғәрезсизлигиниң 27 жыллығын мүнәсип белгилеў» темасында:

-  Өзбекстан Республикасы Президентиниң 2018-жыл 28-июньдеги «Өзбекстан Республикасы мәмлекетлик ғәрезсизлигиниң жигирма жети жыллық байрамына таярлық көриў ҳәм оны өткериў ҳаққында»ғы Карары мазмуны ҳәм әҳмийети (14-слайд);

- усы күнлерде қурылып атырған Ташкент метрополитениниң Сергели жөнелисиниң жер үсти метро линиясын қурыў ислери (15-слайд);

- Ташкент қаласында қурылып атырған «Tashkent City» халықаралық бизнес орайының көриниси (16-слайд);

«Сыртқы сиясатта жети өлшеп, бир кесемиз» темасындағы тийкарда республикамыздың қоңсы мәмлекетлер менен алып барып атырған конструктив байланыслары ҳаққында мағлыўматлар бериледи (17-18-слайдлар).

«Ғәрезсизлик сабағы»ның соңында Өзбекстан халық артисти Ю.Усманова атқарыўындағы Өзбекстан халық шайыры Муҳаммад Юсуф қәлемине тийисли «Ҳеч кимга бермаймиз сени-Ўзбекистон» қосығы тийкарында қосық қойылады ҳәм сабақ тамамланғанлығы дағазаланады.

Сабақ ўақты 45 минут.


Сначала зайдите на смотреть фильмы, а потом обязательно зайдите посмотрите фильмы онлайн это стоит того

QANLIKÓL RAYONÍ XALÍQ BILIMLENDIRIW BÓLIMI

Veb-sayt jaratıwshısı: ГУП «Центр компьютеризации Каракалпакстана»
Sayt materiallarınan tolıq yaki jarım-jartılay paydalanılǵanda veb-sayt mánzili kórsetiliwi shárt!